Estas semanas  os/as nenos/as de 6º están a vivir  experiencias educativas moi enriquecedoras xa que  estiveron  a realizar un traballo de repaso de contidos nas ciencias a través da creación de maquetas. Estas maquetas non só lles permiten aplicar o que aprenderon, senón que tamén fomentan a súa creatividade e habilidades manuais.

Despois de completar as maquetas, os/as estudantes prepararán presentacións para gravar uns programas  con este material como apoio.(Pronto veredes o resultado!)

Esta actividade non só reforza os seus coñecementos científicos, senón que tamén mellora as súas habilidades de comunicación e traballo en equipo.

Por outra banda, na materia de matemáticas, están a traballar as potencias utilizando regletas. Este enfoque experimental e vivencial axuda aos alumnos/as a comprender mellor os conceptos matemáticos, permitindo que visualicen e manipulen as potencias de forma tanxible. 

A aprendizaxe activa é clave para que os/as estudantes se sintan motivados/as e interesados/as nas matemáticas.

Estas semanas , na nosa aula , estivemos traballando o mínimo común múltiplo (MCM) e o máximo común divisor (MCD) utilizando materiais manipulativos. Isto permítenos visualizar e explorar os números dunha forma máis próxima e comprensible. Empregamos distintos materiais para crear representacións que nos axudan a identificar patróns e chegar á solución de forma máis intuitiva.

As matemáticas   axudan a entender o mundo que nos rodea, pero moitas veces preséntanse de maneira abstracta, afastada da realidade. Por iso, é fundamental abordar o ensino das matemáticas dunha maneira máis experimental e manipulativa. Cando podemos tocar, construír ou experimentar cos conceptos, o noso cerebro comprende mellor e fai conexións máis profundas.

Este martes , con motivo da cercanía do SAMAÍN , @s alumn@s de 6º de primaria levaron a cabo un obradoiro de contos de terror que resultou ser unha experiencia inolvidable para tod@s. Con moita ilusión , prepararon relatos que deixaron sen alento aos alumn@s de 4º e 5º.

@s alumn@s de 6º pasaron semanas traballando nas súas historias, buscando inspiración en lendas locais e elementos clásicos do xénero de terror. Durante o obradoiro, aprenderon non só a arte de contar historias, senón tamén a importancia de captar a atención do público, utilizar a voz e a expresión corporal para crear atmosferas de suspense e emoción.

Foi unha ocasión fantástica para fomentar a lectura e a creatividade, así como para estreitar lazos entre os diferentes cursos. 

O obradoiro foi un éxito , deixando a tod@s con gañas de máis historias e novas aventuras. Sen dúbida, unha experiencia que quedará gravada na memoria de tod@s @s que participaron!

         O pasado Xoves día 17  realizamos unha visita á CASA DO PATRÓN en Lalín, onde tivemos a oportunidade de coñecer cousas da nosa historia e  cultura . Durante a excursión, exploramos diferentes espazos do museo etnográfico.

Esfollamos e debullamos  millo e incluso fixemos pan(actividade moi relacionada co noso PDI de centro ,Paparouta)

Estas experiencias permitíronlles aos nen@s apreciar o patrimonio histórico e fomentar o seu interese pola contorna que lles rodea.

Esta semana poidemos observar a gran creatividade e imaxinación do alumnado nas aulas mixtas. É inspirador ver como cada un/unha aporta a súa perspectiva e como xuntos/as  imos construíndo un ambiente de aprendizaxe rico e dinámico. 

         Ademáis estamos traballando a  lectura grupal do libro "Matilda". A historia desta nena tan especial non só nos entretén, senón que tamén nos axuda a traballar diferentes destrezas relacionadas coa lectura, como a percepción , memoria , razoamento... Estamos disfrutando moito dos debates e das ideas que surxen entre nós!