O alumnado de segundo ciclo estivo a traballar sobre os viquingos no agrupamento mixto para coñecer un pouco de historia. Elaboraron un Drakkar que é a embarcación coa que se desprazaban para realizar as súas incursións en diferentes países. Aquí vos deixamos unhas imaxes dos seus traballos.

Ver álbum de imaxes

No grupo mixto ademais dos experimentos de Samaín que xa puidestes ver seguimos traballando nas propostas de robótica e matemáticas.

Así pois, continuamos introducindo a robótica como unha ferramenta que axuda ás nenas e nenos a desenvolver o pensamento lóxico e a resolución de problemas, a través da programación sinxela e o uso de robots educativos. Nesta unidade didáctica, ampliamos os coñecementos traballados ata agora, incorporando como centro de interese o Samaín, creando proxectos temáticos onde se combinan creatividade e coñecementos de varias áreas curriculares.

Ver vídeo de Robótica do grupo mixto

Na proposta matemática continuamos traballando co tempo partindo de tres recantos nos que soñamos un horario para a escola, cos horarios dos diferentes buses escolares fixemos retos para averiguar os tempos transcurridos, se chegamos a tempo á parada... E tamén practicamos as horas en formato analóxico e dixital. E como o tempo non para de correr con isto pechamos as propostas relacionadas con el.

Seguimos construíndo xuntas.

O alumnado de 3º repasou os contidos traballados con actividades relacionadas coas palabras sinónimas e antómas, ortografía de palabras coas letra c e que e a clasificación de palabras atendendo ó numero de sílabas, tamén realizaron lecturas varias de libros con diferentes temáticas.

Ver álbum de Imaxes

O alumnado de segundo ciclo de primaria a semana pasada estivemos visitando a Feira Maker de Oficios na Casa das Máquinas de Santiago.

Tivemos a oportunidade de aprender de artesás e artesáns participando nun obradoiro de estampación de Amor ao Teu e outros dous de Cianotipia e Marmolado de Peixesapop, dos que ademais puidemos levar connosco as nosas creacións.

Ademais disto vimos a outras artesás e artesáns, aprendemos moito e desfrutamos do traballo de ferrería de J. Eiroa Forxa.

Volvimos ao cole cheos de aprendizaxes, artesanía feita por nós e bos recordos.

Ir ao álbum de fotos.

No grupo mixto de 3º e 4º fixemos un obradoiro de “CIENCIA TERRORÍFICA” no cal puidemos realizar diferentes experimentos coma son os “monstruos escumosos” que consistía en ver como reaccionaba o vinagre ó entrar en contacto con bicarbonato que botamos nuns vasos con caras terroríficas e botaban escuma pola boca.

Tamén fixemos outro “o globo que se infla só” coas mesmas substancias no cal un globo se inflaba debido ó gas producido pola mestura de vinagre con bicarbonato. Outro dos experimentos consistiu nunha luva que se inflaba debido a que a auga empuxaba polo aire e conseguía que se inflara .

E finalmente creamos unhas mans terroríficas de auga e témperas de cores con arañas, ratas, ollos e cordeis, que enchemos con auga e conxelamos para logo ver como reaccionaba ó botarlle sal.

Ver álbum de imaxes