Descrición
A Experiencia que presento ven a colación da mesa redonda que terá o evento de Aula Invertida e Gamificación. Levo dende o ano 2014 introducindo a metodoloxía da aula inversa ou flipped classsroom nas materias que imparto, matemáticas e física e química. E digo levo porque cada ano vou intentado mellorar a miña proposta didáctica coa creación de novos materiais como os da imaxe. Neste caso, e tamén propiciado polo pandemia e o confinamento, quixen aglutinar os materiais correspondentes a unha unidade ou elemento de aprendizaxe nunha infografía. Estes dous exemplos corresponden a unidade de logaritmos e ecuacións exponenciais en matemáticas e reacción química en física e química. En ambas pódense atopar os vídeos propios correspondentes a unidade (propios do flipped), os apuntes o diapositivas colgadas na rede, xogos elaborados por min coa plataforma Genially, fichas interactivas e outros complementos.
Podese ver as unidades na web www.juansanmartin.net.
Ficheiro PDF
Datos xerais
| Centro educativo | C.P.R. Plurilingüe Vila do Arenteiro - O Carballiño |
| Etapa | Educación secundaria |
| Área ou temática | Matemáticas, Física e Química |
| Datas | Dende o ano 2014 |