Geoguessr, un xogo educativo

Geoguessr é un videoxogo cun enorme potencial educativo. Consiste en sinalar no mapa o lugar desde que o se tomou a imaxe que aparece en pantalla. Existen milleiros de xogadores e hai diversas modalidades de xogo.

Entre outras características, estas son especialmente valiosas para calquera educador/a:

1. Permite coñecer a diversidade de paisaxes, idiomas, culturas, etc. que existe no mundo
2. Desenvolve o pensamento computacional pois vale para activar un modelo de resolución dun problema (busca de pistas, análise diferencial, análise por descarte, etc.)
3. Promove a orientación no espazo (uso do compás, referencias xeográficas como mares, ríos, montañas, etc.)
4. Activa proxectos de investigación que indaguen nas características dos lugares que se atopan
5. Promove a aprendizaxe cooperativa, a resolución pacífica de conflitos e a competencia social e cívica
6. No modo creativo (conta de pago) permite elaborar mapas temáticos ou circunscritos a un territorio determinado