Mulleres Xalleiras

Con motivo da celebración do Día Internacional da Muller e tendo en conta o proxecto da biblioteca deste curso, "Unha nova vida", o alumnado de 4° de primaria recibíu a visita de dúas Mulleres Xalleiras de Esmorode. Amalia Cambeiro Álvarez e Isabel Lema Duarte explicáronnos como facer cestas e outros accesorios con xornais, cordas ... A rapazada participou moi activamente e gozou moito coa actividade.

Seguimos neste mes de marzo dándolle voz a Mulleres Xalleiras da nosa contorna. Grazas a Leonor Varela Calvelo por vir explicarlle ao alumnado de EI o marabilloso mundo das abellas.

Moitas grazas de novo a Amalia Cambeiro Álvarez e Isabel Lema Duarte por ternos visitado de novo. Nesta ocasión foi o alumnado de 3º de EP e de 1º de EP A o que puido gozar da aprendizaxe destas dúas Mulleres Xalleiras. Moitas grazas!

Hoxe o alumnado de 1º e 2º de EP tivo a oportunidade de aprender moito sobre a compostaxe grazas a Inmaculada García Barcia e Sara López Campoamor. Moitas grazas por achegarvos ao noso centro e compartir os vosos coñecementos. 

Hoxe visitou o noso centro Patricia Rodríguez Canedo. Falou co alumnado de 6º de EP dun modelo de negocio sostible entroncado coa terra e de maneira sostible.

O alumnado de 5º de EP hoxe tivo a oportunidade de vivir unha experiencia de reciclaxe da man de "ArtesAna", unha iniciativa de Ana María Ferreiro Gerpe. Moitas grazas Ana por ternos acompañado.

Non vos perdades as súas creacións.