O rincón da calma

Hoxe imos falar sobre os procesos de avaliación que empregamos co alumnado nas sesións de Orientación.

Por que é de utilidade esta información? 

- Para saber por que a profe nos pregunta esas cousas tan raras...

- Para aplicar na miña aula con outros contidos, pero como forma activa de avaliación e autocoñecemento.

-Para comprender, como familia, que métodos fan ao meu fillo/a pensar e autocoñecerse. Poderei empregalas na casa?

Hoxe imos falar sobre...AS RUTINAS DE PENSAMENTO:

Moitas veces, dende o Departamento de Orientación detectábamos que, ao traballar contidos tan abstractos, moitas veces as nosas sesións tiñan unha conclusión que non chegaba a unha aprendizaxe significativa por parte do noso alumnado. Por esta razón, e atendendo as distintas teorías sobre a aprendizaxe (com destacan por exemplo Rentzulli ou Ruiz), decidimos integrar peches máis activos que facilitasen a autoavaliación e conexións da información e os conceptos para a comprensión dos mesmos. 

Hoxe, falaremos das rutinas de pensamento. Son pequenas cuestións que permiten a autoreflexión e metacognición e que, despois, se deben plasmar en distintos produtos, cumprindo así unha dobre función: o favorecemento das conexións cognitivas e a expresión do coñecemento.

Estas rutinas de pensamento deben desenvolverse en función do DUA e servindo ao DUA, posibilitando que as conclusións se expresen, por exemplo, a través de varios produtos.

Algunhas das rutinas que máis empregamos son:

- Antes pensaba..agora penso (reflexionando sobre unha cuestión). Por exemplo, antes pensaba sobre as variables que inflúen na miña decisión...agora penso. Pódese expresar nun gráfico para o corcho.

-Penso...interésame...investigo. Por exemplo, sobre as carreiras universitarias da contorna. Para esta rutina, temos moitas posibilidades, como por exemplo, traballar en grupos de investigación por interese, e facilitar un produto que se poda "expoñer e compartir" coa comunidade: un pódcast, un pechakucha, un póster...

- Crea un slogan. Un slogan que resuma a clase. 

- 3...2...1. 3 preguntas, 2 ideas, unha metáfora para o contido de aula.

(fonte: https://www.educaciontrespuntocero.com/recursos/rutinas-pensamiento/)

- O semáforo: pon en verde unha cousa que che gustou da sesión, en amarelo elementos que xeneren dúbidas, en vermello, cousas que non che gustaron da sesión.

Con este tipo de rutinas, conseguimos favorecer o peche metacognitivo dos contidos da sesión, pero tamén obtmos información moi útil para a avaliación da sesión.

Queres coñecer máis recursos de avaliación?