ENTROIDO 2024

O  resultado final deste día agocha detrás moitas horas de traballo onde, dun xeito totalmente construtivo, se traballaron aspectos moi variados: dende medidas, aos sectores de produción, a alimentación, as tradicións e costumes,  a saúde emocional, a creatividade, o traballo en equipo, tecnoloxía(deseño e confección de chapas), entre outros moitos.

Este curso a temática do Entroido foi a saúde. A saúde entendida como, saúde física e mental. Por iso, o alumnado disfrazouse de diferentes aspectos relacionados con hábitos de alimentación saudable (froitas, profesionais da alimentación) e deportes variados para así incidir na importancia da alimentación e  do exercicio físico na saúde. Ao mesmo tempo o alumnado traballou as tradicións típicas da nosa comunidade autónoma que tanto inflúen na nosa alimentación como son os peixeiros-as, polbeiros-as, panadeiros-as e cociñeiros-as  que coa súa profesionalidade e a calidade das materias primas galegas tanto benefician á nosa saúde.

O profesorado decantouse por  disfraces dos profesionais que coidan e axudan a ter unha mellor saúde (médicos, cirurxiáns, enfermeiros, psicólogos...) facendo así especial fincapé tanto na importancia de vixiar a nosa saúde física como a emocional.

Como remate final, fixemos un desfile polas rúas de Soutelo, e desfrutamos dunha xornada de convivencia coas familias, veciños e veciñas do pobo, que sempre nos acollen con moito agarimo. Degustamos un chocolate quente e produtos típicos do Entroido grazas a xenerosidade da ANPA, á cal lle queremos expresar o noso agradecemento unha vez máis pola colaboración que sempre manifestan.

AQUÍ VOS DEIXAMOS UN VÍDEO COAS IMAXES DO ENTROIDO 2024