Prezadas familias, 

Un ano máis despedimos o curso compartindo imaxes que foron quedando gardadas no carrete. 

Como di o título desta publicación hai "UN POUCO DE TODO":

-imaxes do mini proxecto sobre caracois

-imaxes de xogos no patio

-de escola no bosque

-de bailes improvisados

-de xogos no laboratorio

-do proxecto de danza

-de lecturas con amig@s

-do visionado da lúa

-do espazo

-e da romaría!

UN POUCO DE TODO PICANDO AQUÍ

Todo o equipo de infantil desexámosvos que pasedes un bo verán, que descansedes moito, que desfrutedes e que collades moita enerxía para o vindeiro curso!

Unha aperta!

Familias, 

Hoxe despedimos ás crianzas de 6ºEI que o vindeiro curso estarán xa en 1º EP.

Foi un verdadeiro pracer e unha gran alegría compartir estes tres anos de aprendizaxe coas crianzas e con vós.

Estamos moi orgullosas de todas e todos!

Deixámosvos as imaxes da entrega de diplomas e orlas.

https://photos.app.goo.gl/AgpUW7BgybgqvzRi6

Familias, 

Compartimos con vós o vídeo da exposición para aquelas persoas que non puidestes vir á escola o día 12.

Non perdades detalle de todo o que aprendemos!

Nos seguintes enlaces tamén deixamos imaxes de como preparamos todos os produtos expostos e imaxes da propia exposición.

Barouta ao pé da noticia. Como o fixemos.

Exposición "Barouta ao pé da noticia"

O luns 10 de xuño visitamos a Illa de Cortegada. 

Sobre as 10h10 chegamos ao porto de Carril e desde alí fomos en dúas embarcacións (facendo varias viaxes) ata a illa de Cortegada. 

Unha vez desembarcamos, merendamos e despois iniciamos o roteiro duns 3 km aproximadamente percorrendo toda a illa e descubrindo curiosidades como o seu bosque de loureiros, os restos da aldea abandonada ou por que o Illote do Con é de cor branca.

Despois da camiñada xantamos e puidemos bañarnos antes de volver embarcar para tornar a Barouta.

Que ben nos prestou esta saída!

Podedes comprobalo nas imaxes!

https://photos.app.goo.gl/XsgjB9YjwuwmU2uS6

Familias, 

Comezamos esta semana asistindo á representación do conto "A reconquista" da escritora Antía Yáñez que as compañeiras e compañeiros de 2º EP fixeron para nós.

O xoves, a autora visitounos na escola. Neste diálogo saíron preguntas tan interesantes como: 

-en que te inspiras para escribir?

-canto tempo tardas en escribir un libro?

-gustábache ler cando eras pequena?

-cal é o teu libro preferido?

-...

Imaxes da xuntanzas no seguinte enlace  https://photos.app.goo.gl/A1L5gKYqdKaEygN36

GRAZAS ANTÍA POLA VISITA!

O venres aproveitamos o bo tempo desta semana para facer un novo roteiro. Saímos da escola polo camiño do monte, chegamos ata o San Amaro e á volta había sorpresa na escola: en varias árbores do patio estaban colgadas cordas para rubir por elas! Por suposto xa lle demos uso!

Imaxes do roteiro picando AQUÍ

Hoxe descubrimos a "Carballeira dos trasnos" e nela atopamos, agochados, diferentes animais da fauna galega.

Queredes descubrilos con nós?

Podedes atopalos picando AQUÍ

Onte na escola asistimos ao concerto de Orquestra Cé Pantasma.

Rematamos o proxecto "Planeta Terra".

Botádelle un ollo ás últimas propostas!

A semana pasada comezamos de novo a campaña Modo Galego, Actívao! 

Para darlle ritmo e movemento, a proposta inicial foi o Galeoke con cancións na nosa lingua para activar o modo galego á vez que nos divertimos!

No enlace tedes imaxes do noso paso polo Galeokeª!

https://photos.app.goo.gl/HkgadZN5vu2pWjGQ8

Hoxe celébrase o Día das Letras Galegas adicado a Luísa Villalta.

Na escola conmemoramos esta data cunha Xornada de Xogos Tradicionais.

Esta semana Erea contounos o conto "Dez dedos nas mans e dez dedas nos pés".

Graciñas!

Esta semana tamén tivemos tempo de achegarnos ao noso bancal da horta para plantar tomates Cherry.

Fixemos o burato, metemos o tomate e botamos substrato! 

A ver se temos sorte e recollemos unha boa colleita!

Hoxe tivemos contacontos na escola con Blanca e Vera que viñeron contarnos o conto "Quen vén esta noite?".

Continuamos co proxecto "Planeta Terra".

Despois de visitar o sol achegámonos aos planetas e asteroides!