Durante o segundo trimestre o alumnado do centro estivo traballando a ENTREVISTA, e que mellor maneira que entrevistar a diferentes persoas.
Aquí vos deixamos diferentes xeitos de entrevistar tanto aos compañeiros como a algunhas das familias.
Safaa e Inés de 5º de Primaria foron entrevistadas polo seu compañeiro Manuel para explicarnos que no país de procedencia dos seus pais teñen comidas diferentes e tamén algunhas comidas que a súa relixión non lle permite comer. Escoitade a súa entrevista para coñecer con máis detalles toda esta información.
Contido multimedia
Debido a que Sebas e a súa familia teñen unha relixión diferente á nosa, sentimos curiosidade por coñecer un pouco máis a fondo os seus costumes e tradicións así que Erik entrevistou ao seu compañeiro Sebas de 4º de Primaria.
Debido a que existen alumnos no noso centro que practican relixións diferentes (adventistas e islámicos), e estas dúas en concreto, con prohibición de comer certos alimentos; decidimos convidar ás familias ao noso centro para que o resto do alumnado comprenda a verdadeira causa de que os seus compañeiros non proben eses alimentos. Ademais terán a ocasión de coñecer aspectos e tradicións diferentes ás nosas que, neste caso, se basean na súa relixión, como pode ser "O RAMADÁN"
O noso alumnado, a través dunha entrevista colectiva, informouse sobre aqueles aspectos que máis curiosidade lle causaban.