POLOS CREATIVOS

O pasado lunes 22 de Xaneiro, a coordinadora de Polos do noso cole recolleu no CFR de Ferrol os Kits singulares que aportan materiais manipulativos ao alumnado para comezar a súa andadura nos Polos. Retos sinxelos pero ao mesmo tempo que requiren de destrezas manipulativas e razoamentos complexos son unha aposta pola educación do futuro: automatismos, construción de pontes e estructuras así como figuras en 3D. 

O día 11 de Febreiro celebrouse o día da Muller e da Nena na Ciencia. Non quixemos rematar o mes sen recordar o papel de mulleres importantes na historia da Ciencia. Por aquí vos deixamos unhas imaxes do material elaborado polo alumnado e un vídeo recompilatorio do mesmo. O material de apoio foi dado dende o CFR de Ferrol dentro do programa Polos Creativos. 

O venres 1 e o venres 8 de Marzo tivo lugar no CFR de Ferrol unhas xornadas - talleres de formación para novas persoas coordinadoras do programa Polos Creativos. Nelas puidemos achegarnos máis ao uso e programación da placa de MICROBIT; o uso do CHROMA para vídeos e como facer STOP MOTION e uso da cortadora láser e o plotter de corte. 

Agora toca poñer en marcha a maquinaria para aplicar o aprendido nestas sesións!

Dende o cole apoiamos as novas tecnoloxías e a iniciación do noso alumnado na programación e robótica. Aquí vos deixamos algunhas imaxes da nosa andadura nesta aventura!

Seguimos traballando coa robótica e a programación nesta ocasión na Educación Infantil para traballar a comprensión lectora cun conto. Por aquí vos deixamos algunhas fotos da nosa aprendizaxe.

Onte luns día 22 de abril tivemos formación en impresión 3D no noso cole! Aprendimos a usar o programa Tinkercad para deseñar os produtos e a usala impresora. Pronto as nosas producións sairán á luz! Estade atent@s!

O pasado luns día 6 de maio tivemos formación no centro para aprender a manexar a cortadora láser. A través dela podemos realizar infinidade de materiais e recursos para o noso alumnado. Agora toca esperar a que chegue e poñernos mans á obra!

Onte día 9 de Maio tivemos unha xornada de reflexión final no CFR de Ferrol onde puidemos amosar os nosos traballos ao resto do profesorado ademais de compartir inquedanzas e novas propostas.

Aquí remata a nosa andaina dentro do curso para novas persoas coordinadoras pero aínda queda un traballo no noso centro que pronto sairá á luz!

Como proxecto fin de curso creamos estas letras e símbolos para o noso panel de Braille. Usamos a cortadora láser prestada polo CFR de Ferrol.

Con este proxecto concluímos o curso 23-24 de Polos Creativos e agardamos vervos pronto noutro curso con novas propostas e proxectos!