Familias, 

Desexamos que pasedes un feliz solsticio de inverno! Descansade e desfrutade moito!

Vémonos á volta con moitas ganas de seguir aprendendo!

Mentres, compartimos as imaxes da función de nadal e dos preparativos da mesma!

Unha aperta!

https://www.edu.xunta.gal/centros/ceipbarouta/galeria/thumbnails.php?album=96

Familias,

Un ano máis compartimos as fotos que foron quedando no carrete.

Neste álbum podedes atopar imaxes de saídas ao monte, da degustación de uvas, do período de adaptación en setembro, de propostas e xogos no patio, de bichos que atopamos en Barouta, de propostas artísticas sobre caracois, da elaboración de logos para o PDI PAPAROUTA, da saída das crianzas de 6ºEI ao cinema miúdo ...

Houbo moito traballo neste trimestre! 

Xa estamos planeando todo o que imos facer no seguinte!

Todas as imaxes AQUÍ

Familias, 

Compartimos un documento con toda a información do Proxecto "CEREAIS" que desenvolvemos neste trimestre. Nel tedes a información de todas as propostas realizadas nos diferentes ambientes e nos seguintes enlaces tedes todas as imaxes:

Propostas Proxecto Cereais Teatro

Propostas Proxecto Cereais Obradoiro

Propostas Proxecto Cereais Laboratorio

O mércores 27 de novembro visitamos o museo etnográfico Casa do Patrón en Lalín.

Alí descubrimos e reforzamos as aprendizaxes previas realizadas sobre os CEREAIS , fundamentalmente o millo e o trigo, na escola.

Experimentamos con eles nun contexto real e de produción : fixemos pan con Lola.

Tedes todas as imaxes da realización do pan no enlace:

https://www.edu.xunta.gal/centros/ceipbarouta/galeria/thumbnails.php?album=72

Debullamos millo e construímos torres cos carozos acompañados de Yolanda.

Tedes todas as imaxes do debullado no enlace:

https://www.edu.xunta.gal/centros/ceipbarouta/galeria/thumbnails.php?album=73

E completando a actividade fixemos queixo con Consuelo (introducindo os lácteos como parte importante da dieta ademáis dos cereais).

Tedes todas  as imaxes da elaboración do queixo no enlace: https://www.edu.xunta.gal/centros/ceipbarouta/galeria/thumbnails.php?album=75

Estes obradoiros manipulativos mantivéronnos moi atent@s e interesad@s , cuns produtos finais de luxo: un boliño de pan e un queixiño fresco; todo feito por nós e sabendo a orixe dos ingredientes. Canto aprendemos!

Paseamos e descubrimos nas distintas partes do museo elementos e momentos da vida cotiá da nosa xente de antes: a casa, os oficios, a escola...

Tedes todas as imxes do museo no enlace:

https://www.edu.xunta.gal/centros/ceipbarouta/galeria/thumbnails.php?album=74

Xantamos xuntas e tivemos tamén os nosos momentos de carreiras e xogos. Un día ben completo e frutífero!

Tedes máis imaxes da saída no seguinte enlace:

https://www.edu.xunta.gal/centros/ceipbarouta/galeria/thumbnails.php?album=76

#PDI PAPAROUTA

#PROGRAMA JEAN MONNET

Hoxe, 25N, conmemoramos na escola o Día Internacional da Eliminación da Violencia contras as Mulleres baixo o lema "Cociñando o bo trato".

Compartimos con vós nun documento adxunto a proposta presentada polo Equipo de Igualdade onde tedes toda a información do traballo previo realizado nos ambientes e tamén do acto conmemorativo de hoxe.

Tamén compartimos algunha imaxe da realización dese traballo previo e do acto de hoxe.