Blog de BEATRIZ GARCÍA GARCÍA
O pasado 26 de abril ensaiamos con todos os cursos do terceiro ciclo de educación primaria e tamén parte do profesorado que se animou. Realizamos o flashmob de "Don´t stop me now" de Queen.
Aquí vos adxunto unha pequena mostra.
O día 19 de abril realizamos o flashmob de "Epo e tai tai é" e "Siyahamba". Ademais dos nenos do primeiro ciclo, que xa o tiñan traballado na aula tamén participaron voluntariamente outros cursos do cole. Foi moi divertido!!
O venres, día 22 de marzo realizamos a coreografía de Madre Tierra con todos os segundos de educación primaria.
Así iniciamos a primavera e despedimos o segundo trimestre do curso.
Foi moi moi divertido!!!
Aquí vos deixamos as fotos e os vídeos!!
O día 25 de xaneiro todo o alumnado de sexto e de primeiro de educación primaria tiveron a sorte de recibir un taller de ecopercusión impartido polo cubano Didier Diaz.
Didier Diaz é un percusionista cubano graduado en 1999 pola Escola profesional de música José White de Camagüey en Cuba. Tras varios anos desenrolando a súa carreira profesional como músico en Cuba e España, decidiu volcar a súa carreira na ecopercusión.
Os maiores realizaron o taller de percusión con material de refugallo e utilizaron como instrumento para practicar a percusión un balde de plástico de refugallo e unhas baquetas.
Desta forma crearon poliritmias usando patróns rítmicos de xéneros Afrocaribeños, desenrolando a coordinación, lateralidade, o traballo en grupo e o liderazgo.
Os máis pequenos realizaron un taller de percusión corporal utilizando diferentes partes do seu corpo como instrumento.
Ao final da mañá organizouse unha gran exhibición para o resto do cole. Foi marabilloso! Os nenos disfrutaron moito de poder exhibirse e os demais de poder velo e escoitalo!
Por aqui algunhas fotiños de recordo e tamén videos que recolleron o impresionante espectáculo.
- «Páxina seguinte
- 1
- 2
- »Páxina seguinte