DELEGADOS POETA DÍAZ CASTRO

O día 25 de outubro, o equipo de delegados e subdelegados do IES Poeta Díaz Castro, recentemente creado, recibiu a primeira sesión de formación, a cargo de Aventeira Coop.

Na sesión traballaron contidos relacionados coas funcións de delegado, cos sentimentos que produce a responsabilidade ligada ao cargo e coas características que fan dunha persoa un bo candidato a este labor.

Rapaces e rapazas, mediante dinámicas, estableceron a súa primeira toma de contacto co resto do Equipo de Delegados, axudados polo Departamento de Orientación e a Xefatura de Estudos.

Podes ver imaxes do día na galería de imaxes.

Ben prezados delegados e delegadas, subdelegados e subdelegadas.

O pasado mércores celebramos unha reunión para constituír oficialmente a Xunta de Delegados e Delegadas, así como para elixir os que serían o/a presidente/a e o/a subpresidente/a. Na votación resultaron elixidos David (3ºA) e Nerea (3ºB) que actuarán como co-presidentes.

Para a consulta, poderes empregar o correo delegadosdiazcastro@gmail.com. Igualmente, podedes comprobar a súa actividade no portafolio ao que se pode acceder, tamén, desde a páxina web do centro (marxe dereita da páxina).

Durante a mañá do día 18 de decembro, o noso equipo de delegados e delegadas, así como os seus subdelegados/as, recibiron a segunda sesión de formación. Nela, o alumnado descubriu algunhas claves para comprender a potencia dun equipo de persoas que traballan xuntos pola consecución de obxectivos comúns. Tamén descubriron a asamblea como unha ferramenta idónea para a toma de decisións posterior ao debate. Agora toca levar á práctica todas as aprendizaxes...

Na mañá do día 11 de xaneiro terá lugar a primeira revisión das aulas para o concurso de Aula mellor coidada, edición 2024. Os delegados, acompañados polo profesorado implicado no programa, revisarán coa folla de avaliación, diferentes aspectos do espazo, pero tamén do coidado entre as persoas e o propio centro, de aí que tamén sexa importante recoller as opinións dos titores e titoras do grupo. Manterémosvos informados!