About
- Iniciar sesión como docente ou como centro educativo
- Iniciar sesión como alumno/a
- Que podo facer en Agueiro
- Para que serve o buscador de Agueiro
- Como crear un grupo, en 6 pasos
- Como engadir membros ao teu grupo
- Como crear unha axenda de contactos
- Como crear unha colección de contactos
- Para que serve unha colección de contactos
- Que é o taboleiro e para que serve
Iniciar sesión como docente ou como centro educativo
Son usuarios de Agueiro todo o profesorado, o alumnado e os centros educativos de nivel non universitario de Galicia. Para poder acceder a Agueiro os usuarios deben dispoñer dunha conta de usuario corporativa que, no caso do profesorado e dos centros educativos, coincide cos mesmos datos (usuario e contrasinal) da súa conta de correo corporativa.
Iniciar sesión como alumno/a
O alumnado que desexe acceder a Agueiro deberá introducir os datos de acceso da súa conta de usuario corporativa que, no caso do alumnado, coincide cos mesmos datos (usuario e contrasinal) da súa conta de acceso á WiFi corporativa “edu.xunta.gal”.
NOTA: Para máis información sobre cómo xerar as credenciais corporativas do alumnado consulte a seguinte ligazón:
https://espazoabalar.edu.xunta.gal/servizos-dixitais/wifi-alumnado
Que podo facer en Agueiro
A plataforma Agueiro proporciona un entorno seguro para que todos os usuarios (profesorado, alumnado e centros educativos) poidan desenvolver os seus contidos, relacionarse e realizar traballo colaborativo. Por defecto, todos os contidos que crean os usuarios son privados (ninguén pode acceder a eles), pero cada usuario pode cambiar os permisos de acceso aos seus propios contidos para facelos públicos (de acceso libre) ou restrinxir o acceso a un determinado número de usuarios ou grupos.
Ademáis de todas as ferramentas para uso individual, os usuarios poden crear grupos. Os grupos incorporan ferramentas adicionais, non dispoñibles para usuarios individuais. Calquera usuario pode crear grupos, todos os grupos que queira, e coa configuración de grupo que desexe para cada un deles e incluso pode crear grupos para o seu uso exclusivo e individual, podendo aproveitar así todo o potencial que proporcionan os grupos.
Para que serve o buscador
O buscador de Agueiro proporciona unha forma de acceder a todos os contidos, grupos e usuarios que teñan unha configuración de privacidade que permita mostralos. Cada usuario decide o nivel de privacidade que desexa para cada un dos seus contidos e/ou grupos, polo que aqueles elementos configurados coa privacidade axeitada nunca aparecerán nos resultados do buscador.
O número de resultados da busca móstranse agrupados no bloque de menú vertical da parte dereita da pantalla. Neste bloque vertical podes ver o número de elementos de cada tipo que coinciden con algún dos criterios de busca introducidos polo usuario.
Con cada elemento que se mostra en pantalla e para o que o usuario teña os permisos de acceso necesarios, o propio usuario poderá realizar as accións que permita cada elemento.
Como crear un grupo, en 6 pasos.
Todos os usuarios de Agueiro poden crear grupos de todo tipo: abertos, pechados, ocultos, visibles, con acceso só con invitación, … etc. Os grupos proporcionan funcionalidades adicionais que non están dispoñibles para os usuarios individuais, como os foros de debate, a creación de boletíns, o correo interno do grupo e incluso poderá crear grupos e relacionalos entre eles.
Os grupos non teñen por qué estar formados necesariamente por varios membros, senón que cada usuario de Agueiro poderá crear grupos unipersoais para o seu uso persoal e exclusivo.
Describimos a continuación os 6 pasos que deberá seguir para a creación dun grupo.
Paso 1: botón “Crear un grupo”
Paso 2: Solapa “Perfil” do grupo
Paso 3: solapa “Imaxes” do grupo
Paso 4: solapa “Acceso” do grupo
Paso 5: solapa “Ferramentas” do grupo
Paso 6: solapa “Configuración” do grupo
Como engadir membros ao teu grupo
Despois de crear un grupo podes decidir que outros usuarios formarán parte do teu grupo. En función da configuración de privacidade do teu grupo os usuarios poderán unirse libremente ou non.
No caso de que ti decidas quen formará parte do teu grupo, podes “Invitar” aos usuarios ou “Engadilos” directamente. A continuación descríbense brevemente estas dúas posibilidades.
Como crear unha axenda de contactos
Realiza unha busca do usuario(a) que queiras engadir como contacto, introducindo no buscador algún dos seus datos persoais: nome, apelidos, enderezo de correo, … etc. A continuación pulsa sobre o icono de imaxe que identifica a ese usuario e selecciona a opción “Engadir contacto”.
Para que o usuario que desexas engadir como contacto pase a formar parte da túa axenda de contactos, ese usuario debe aceptar a solicitude de contacto que lle acabas de enviar.
Como crear unha colección de contactos
Selecciona o menú “ Contactos” no despregable do teu menú de usuario.
Na parte inferior dereita da pantalla, pulsa sobre a opción “Coleccións” e a continuación pulsa sobre o botón “Nova colección”.
Introduce un nome para a túa nova colección de contactos e selecciona como mínimo un dos teus contactos para que pase a formar parte desta colección. Non poden existir coleccións baleiras, polo que no caso de que non selecciones ningún contacto, Agueiro mostrará unha pantalla de erro cando pulses o botón “Gardar”.
Para que serve unha colección de contactos
Unha colección de contactos convírtese automáticamente nunha nova entidade coa que poder compartir os teus contidos, é dicir, se non tes creada ningunha colección só podes compartir os teus contidos coa totalidade dos teus contactos, cos usuarios conectados ou co público en xeral pero en canto comences a crear coleccións de contactos, esas coleccións pasan a integrarse como novas entidades nos despregables “Lectura” e “Escritura” para que poidas compartir os contidos que queiras con esas coleccións.
Que é o Taboleiro e para que serve
O Taboleiro é un espazo persoal e privado de cada usuario (ninguén pode acceder ao taboleiro de outro usuario), onde o usuario pode organizar, mostrar e visualizar rápidamente calquera información ou contido que lle interese da plataforma e do que desexe estar permanentemente informado/a.
A información móstrase organizada en forma de “widgets”, é dicir, pequenos artefactos totalmente configurables onde cada “widget” mostra un tipo de información e actualízase de forma automática a medida que se vai creando/modificando esta información.
Inicialmente o Taboleiro é un espazo baleiro, polo que o usuario debe decicir qué widgets quere configurar para este espazo persoal e privado.
Existen numerosos widgets dispoñibles para que cada usuario poida personalizar o seu Taboleiro como desexe. Para engadir un widget ao teu taboleiro, simplemente pulsa sobre o botón “Engadir” que corresponda a ese widget.
O Taboleiro estrutúrase en 3 columnas e os widgets poden moverse libremente dunha columna a outra pulsando sobre a banda de título do widget e arrastrando ata soltalo na columna que desexe.
