A visita de Suli, a tartaruga sulcata

No mes de abril vivimos unha xornada moi especial no colexio coa visita de Suli, unha tartaruga sulcata terrestre que veu para ensinarnos moitas cousas interesantes sobre o seu mundo.

Os peques estiveron moi atentos e curiosos durante toda a actividade. Descubrimos que Suli é unha tartaruga herbívora, é dicir, aliméntase de herbas, follas e vexetais. Tamén aprendemos que pertence ao grupo dos réptiles, coma as serpes e os lagartos, e que é ovípara, polo que nace de ovos.

Unha das cousas que máis lles chamou a atención foi a súa cuncha dura, que lle serve para protexerse dos perigos. Tocárona con moito coidado e mesmo puideron observar como se agochaba dentro cando se sentía insegura. Tamén souberon que hiberna no inverno, durmindo durante moitos días seguidos, gardando enerxía ata que volve o bo tempo.

Suli conquistou os corazóns de todo o alumnado e fixo que aprender fora unha aventura divertida e inesquecible. Grazas por vir visitarnos, Suli!