Mapa interactivo de arrolos - 16/06/2022
Este acto pon o punto final ao noso Proxecto de Innovación Educativa en Dinamización Lingüística do Plan Proxecta +: “Arrólame paseniño, arrólame un pouquiño”. Un proxecto de recuperación do patrimonio inmaterial da nosa comunidade educativa, unha homenaxe á tradición oral en lingua materna.
Este mapa recolle os 107 arrolos que recibimos. A base do mapa está feita dunha madeira de DM e utilizamos cortiza para facer os países e parroquias de cada un deles.
Na parte tecnolóxica programáronse todos os arrolos en 2 programas distintos: a través de mBlock e de dúas placas Makey Makey para “dar vida” ao noso mapa e conseguir que soen os arrolos.
Cada vez que tocamos un dos círculos metálicos, xunto cun dos parafusos, cerramos un circuíto eléctrico. O programa recoñéceo e fai soar algúns dos arrolos.
Cada vez que soa un arrolo hai que agardar a que remate antes de tocar outro de non facelo así soarán dous á vez e podemos acabar toliñas e toliños.
O Mapamundi quedará fixado na entrada do cole para que todas e todos poidades experimentar e gozar de todas as cancións recibidas!!