Neste apartado atoparás toda a información en relación aos obradoiros de robótica e programación que se desenvolven no noso centro.
Debemos diferenciar entre o Club de Ciencia, alumnado de 5º e 6º que ten unha sesión mensual de robótica e programación, do resto de aulas do centro que terán obradoiros segundo se vaian organizando.
Persoas coordinadoras dos obradoiros:
5º EP: Pablo Tojo Mourelo
6º EP: Tamara Abuelo Pombo
Número de sesións estimadas: 32 (8 por curso)
Número de participantes: 95 membros do alumnado (aulas de 5ºA, 5ºB, 6ºA e 6ºB)
MATERIAIS EMPREGADOS
Equipos de EDIXGAL do alumnado.
Espazo EVA coa creación propia de curso cos materiais. Existen 9 sesións deseñadas.
As actividades tiveron inicio no mes de novembro do curso 22-23.
CONCRECIÓN CURRICULAR DO OBRADOIRO
MATERÍA DE MATEMÁTICAS
OBX3. Explorar, formular e comprobar conxecturas sinxelas ou formular problemas de tipo matemático en situacións baseadas na vida cotiá, de forma guiada, recoñecendo o valor do razoamento e a argumentación, para contrastar a súa validez, adquirir e integrar novo coñecemento.
OBX4. Utilizar o pensamento computacional, organizando datos, descompoñendo en partes, recoñecendo patróns, xeneralizando e interpretando, modificando e creando algoritmos de forma guiada, para modelizar e automatizar situacións da vida cotiá.
6ºCurso
Bloque 4. Sentido alxébrico e pensamento computacional
CA4.5. Formular conxecturas matemáticas sinxelas investigando patróns, propiedades e relacións de forma guiada (Relacionado Obx 3)
CA4.6. Modelizar situacións da vida cotiá utilizando, de forma pautada, principios básicos do pensamento computacional. (Relacionado Obx 4)
CA4.7. Empregar ferramentas tecnolóxicas adecuadas na investigación e resolución de problemas. (Relacionado Obx 4)
Contido:
Estratexias para a interpretación, modificación e creación de algoritmos sinxelos relacionados co contexto cotián e o xogo nas regras de xogos, instrucións secuenciais, instrucións aniñadas e condicionais, bucles, patróns repetitivos, representacións computacionais, programación por bloques, robótica educativa…
DESCRITORES ASOCIADOS
CCL1. Expresa feitos, conceptos, pensamentos, opinións ou sentimentos de forma oral, escrita, signada ou multimodal, con claridade e adecuación a diferentes contextos cotiáns da súa contorna persoal, social e educativa, e participa en interaccións comunicativas con actitude cooperativa e respectuosa, tanto para
intercambiar información e crear coñecemento como para construír vínculos persoais.
STEM1. Utiliza, de maneira guiada, algúns métodos indutivos e dedutivos propios do razoamento matemático en situacións coñecidas, e selecciona e emprega algunhas estratexias para resolver problemas reflexionando sobre as solucións obtidas
STEM2. Utiliza o pensamento científico para entender e explicar algúns dos fenómenos que ocorren ao seu arredor, confiando no coñecemento como motor de desenvolvemento, utilizando ferramentas e instrumentos adecuados, facéndose preguntas e realizando experimentos sinxelos de forma guiada.
STEM3. Realiza, de forma guiada, proxectos, e deseña, fabrica e avalía diferentes prototipos ou modelos, adaptándose ante a incerteza, para xerar en equipo un produto creativo cun obxectivo concreto; e procura a participación de todo o grupo e resolve pacificamente os conflitos que poidan xurdir.
CD1. Realiza procuras guiadas na internet e fai uso de estratexias sinxelas para o tratamento dixital da información (palabras clave, selección de información relevante, organización de datos...) cunha actitude crítica sobre os contidos obtidos.
CD3. Participa en actividades ou proxectos escolares mediante o uso de ferramentas ou plataformas virtuais para construír novo coñecemento, comunicarse, traballar cooperativamente e compartir datos e contidos en contornas dixitais restrinxidas e supervisados de maneira segura, cunha actitude aberta e responsable ante o seu uso.
CD5. Iníciase no desenvolvemento de solucións dixitais sinxelas e sustentables (reutilización de materiais tecnolóxicos, programación informática por bloques, robótica educativa…) para resolver problemas concretos ou retos propostos de maneira creativa, e solicita axuda en caso necesario.
CE3. Crea ideas e solucións orixinais, planifica tarefas, coopera con outros en equipo, valorando o proceso realizado e o resultado obtido, para levar a cabo unha iniciativa emprendedora, considerando a experiencia como unha oportunidade para aprender.