Innovación e formación do profesorado

Neste verán, non pararemos de traballar. Nos embarcaremos nun novo proxecto de innovación, esta vez ao marxen de ningunha convocatoria, pero moi interesante. Trátase de conseguir facer unha base de datos sobre algúns parámetros a bordo dos barcos de pesca do cerco. 

O Proxecto consistirá en deseñar unha caixa "laranxa" que conteña toda a electrónica para poder enviar a Terra via LoRaWAN ou ben LTE información sobre as embarcacions para poder ser rexistradas nunha base de datos, e está a desenvolverse co patrocinio de ACERGA, a asociación de Cerco de Galicia. 

O noso centro participou no programa Talentos Inclusivos na edición deste cuurso académico, cun reto chamado "Pulsador Intelixente". Este programa está organizado polo CITIC da Universidade da Coruña, en colaboración con ASPACE, asociación de familias de persoas con parálise cerebral, e se trata de poder facer algo que poda facilitar un pouco a vida diaria destas persoas.  

O proxecto "Pulsador Intelixente"  foi desenvolvido polos alumnos do segundo curso de FP Básica de Electrónica, xunto co grupo de fp Básica de adultos Retorna Talento. O obxectivo deste proxecto foi crear un pulsador sen contacto que permita a usuarios con parálise cerebral comunicarse facilmente mediante un cambio de cor nun LED e o envío dunha mensaxe a unha pantalla e unha aplicación. O sistema está baseado en tecnoloxía MQTT e utiliza microcontroladores ESP32 e ESP8266 para a súa implementación.

A Experiencia foi excelente e tivo moi boa acollida na feira final onde todos os centros participates expuxeron o seu proxecto. Xa agardamos participar o ano que ven !!!

O pasado mes de Abril e Maio desenvolveuse un mini curso de iniciación de electrónica para pescadores. Este curso estivo enmarcado no proxecto Pesca 4.0, premiado na convocatoria Dualiza 2023. 

O Curso desenvolveuse no local do GALP Golfo Artabro Sur, situado en Sada durante varios sábados, e foi unha primeira aproximación ás técnicas de deseño electrónico para xente que en principio non tiña nada que ver con estas tecnoloxías. No curso, desenvolveuse un dispositivo achicador que ademáis avisa ao patrón no teléfono móvil por se houbese unha vía de auga na embarcación. 

   Xa está aberta a convocatoria de proxectos de Innovación (proxectos PIT) de este ano. Toda a información neste Link:

https://www.edu.xunta.gal/fp/premios-proxectos-innovacion-formacion-profesional-convocatoria-2024

  Está ademáis colgado o PDF da convocatoria na área de descarga. O prazo de presenteación e ata o 19 de Febreiro 

Publicada a oferta do Plan de Formación de FP para o segundo semestre. Está o arquivo PDF colgado en descargas