Primeiros pasos
A fase A do proxecto é moi motivadora, pero tamén moi ocupada.
Neste momento xúntanse o contacto coa axencia organizadora, a creación do plan de difusión e a formación específica presencial que no noso caso recibimos no CFR de Coruña durante cinco días lectivos. No centro escolar, unha persoa substituta realiza as nosas funcións dende o primeiro día de curso presencial ata o último día de mobilidade: no meu caso dende o 28 de outubro ata o 7 de decembro.
Creación do plan de difusión
Dende Formaes recibín un recordatorio da realización do plan de difusión e un modelo de plan, polo que foi moi sinxelo de realizar unha vez que tiven clara como quería facer a difusión. Despois de realizar varias mobilidades Erasmus e de deseñar a difusión e o impacto no centro, decidín vertebrar o meu plan sobre tres eixos:
- Difusión entre o profesorado cunha charla informativa, con este portfolio de Agueiro e a proposta da conmemoración "Family Day" aos equipos de centro.
- Difusión entre o alumnado cun pequeno proxecto cultural
- Difusión á comunidade educativa mediante unha exposición no centro, unha entrevista na radio local e a publicación da experiencia na web do colexio.
Formación presencial
Durante os días 28 de outubro e 2, 3, 4 e 7 de novembro asistimos a unha formación presencial no CFR de Coruña nove persoas. Alí coñecímonos e compartimos información que fomos investigando, consellos doutros anos... e comezamos a facer plans para o tempo de lecer, xa que Canadá ofrece mil e un plans!
Nas clases, ademáis, tivemos dous mestres e unha mestra que se encargaron da actualización lingüística e da información sobre o sistema educativo canadense así como de darnos consellos e ideas para aproveitar ao máximo o programa.
Grazas a Jamie, Joanne e Alan por darnos unha formación tan completa e útil sobre o que nos imos atopar en Ottawa no próximo mes!
Contacto con Red Leaf
O contacto coa empresa organizadora se produxo por vez primeira o 10 de setembro no meu caso (fun unha "repesca" entre as persoas substitutas).
Durante os meses de setembro e outubro tivemos que enviar diversa documentación:
- Carta do estudante
- Formulario de información persoal (Canada Homestay Network)
- Certificado oficial do nivel de inglés
- Autorización electrónica de viaxe (ETA)
- Certificado vacinación Covid
Como eu fun do segundo grupo en viaxar, a nosa reunión de información con Miriam, a responsable do programa PIALE en Redleaf foi o mércores 2 de novembro. Nela...
Por último...
Xa non queda nada!
Preparar a maleta!
Ir de viaxe un mes en novembro e decembro á segunda capital de país mais fría do planeta (soamente por detrás de Moscú), asusta un pouco, sobre todo á hora de meter todo o necesario en 23kg de maleta. Podía ser peor, podía ser en xaneiro e febreiro!
Aínda así, despois de ler moitos blogues e ver vídeos en Youtube, cheguei á conclusión de que toca levar moitas capas. Nos centros escolares a temperatura é moi agradable e na rúa depende moito da meteoroloxía, cada vez mais tola polo cambio climático. O normal de esperar son temperaturas entre -2 e 10ºC.
Nos coles cando neva, a xente leva botas de neve e un calzado de reposto para andar por dentro do edificio, bufanda, luvas, abrigo de plumaxe impermeable, medias térmicas...
Finalmente, decidín levar na maleta a seguinte lista (Cando volva comentarei o que foi útil e o que non):
Fontes: