Novembro, Mes da Ciencia en Galego no Barrié

Bibliorrato Xalleiro celebra en Novembro o Mes da Ciencia en Galego convidando a todo o alumnado do centro a experimentar, buscando poñer en valor a nosa lingua no ámbito científico e no campo da investigación.

Desde cada titoría levarán a cabo unha serie de experimentos sinxelos, visuais e facilmente comprensibles para todo o alumnado. Xogaremos coas luces e as sombras, coas ilusións ópticas, coa densidade dos líquidos, coa flotabilidade, con reaccións químicas e moito máis, buscando simplificar o complexo a través da observación e a manipulación.

Proximamente publicaremos unha galería científica con todas as fotos, vídeos e documentos achegados desde as aulas, para compartilos con toda a comunidade educativa.

Aquí deixámosvos unha pequena mostra de experimentos coa súa explicación e demostración.