PREHISTORIA NO BARRIÉ
A prehistoria chegou ao Barrié da man do proxecto Exploradores en Acción, ligado á Biblioteca Escolar.
O alumnado do centro elaborou diversos traballos que ocupan os nosos corredores e o espazo de biblioteca.
As aulas de Educación Infantil e primeiro ciclo de Educación Primaria centráronse no estudo das pinturas rupestres e recrearon a arte dos homes e mulleres da prehistoria.
Por outra banda, o alumnado de segundo ciclo elaborou unha serie de maquetas representando escenas do Paleolítico, o Neolítico e a Idade dos Metais. Algunhas das maquetas centráronse en aspectos máis específicos como a arte prehistórica e os monumentos megalíticos ou os inventos e ferramentas de cada unha das etapas da prehistoria.
Na seguinte entrada podedes consultar cada unha das maquetas e a súa exposición oral.
A continuación podedes ver unha mostra de todas as maquetas, que se atopan expostas no centro para poder ser vistas por todos/-as.
Tamén se sumou ao estudo do mundo prehistórico o alumnado de terceiro ciclo, centrándose en curiosidades deste período.
Esperamos que vos gustara o noso traballo e que contedes con ganas de aventurarvos en novas propostas de actividades no terceiro trimestre.