Despois de traballar un texto sobre os petróglifos na clase e de poñer en común os nosos coñecementos e experiencias sobre Laxe das Rodas, decidimos xuntarnos para visitar a estación rupestre. Fixémolo pola noite, para poder visualizar mellor os gravados, e coa compañía dos nosos pais e nais e dunha guía do Concello de Muros.
Cando soubemos a data e a hora da expedición, quixemos elaborar, por grupos, uns carteis informativos desta saída académica. Aquí debaixo podedes velos!
O grupo de 4º, 5º e 6º foi o venres 30 de setembro. O alumnado de Infantil, 1º, 2º e 3º, o día 7 de outubro. Botádelle unha ollada ás fotos! Pasámolo xenial e aprendemos moitísimo!