A primeira grande actividade que fixemos entrelazando as tres liñas do proxecto (prehistoria/petróglifos, costura e programación) consistíu na elaboración dun mapa téxtil no que situamos e fornecemos información sobre os petróglifos máis destacados de Galicia. Tomamos como referencia o libro Historia da Galicia pequeniña, de Aira Editorial, que inclúe un mapa cos vinte e dous principais petróglifos de Galicia.
En primeiro lugar, escollemos vinte petróglifos e repartímolos entre os membros da clase para buscar información sobre eles. Cada un de nós organizou os datos obtidos nunha presentación e expúxoa aos seus compañeiros. Este foi o noso traballo:
Tamén escribimos esta información nunhas fichas para facer un libriño informativo para acompañar o mapa que queremos elaborar.
Seguidamente, calcamos o noso petróglifo sobre fieltro e practicamos a bordalo por riba.
Unha vez feita esta práctica, recortamos a silueta dun mapa de Galicia en fieltro e marcamos sobre el a localización dos nosos petróglifos para posteriormente coselos con fío normal. Empregamos tamén fío condutor para coser uns puntiños ao carón de cada petróglifo dos que se desprendía un fío pola parte inferior, para poder contectar cos puntos, mediante pinzas de crocodilo, a unha placa Makey Makey programable cos nosos ultraportátiles.
Gravamos na radio uns audios curtiños coa información que buscamos sobre os conxuntos rupestres...
... e, usando o aplicativo Scratch, programamos a placa Makey Makey de xeito que, ao pecharmos cada un dos circuítos eléctricos tocando coas nosas mans sobre os puntos de fío condutor, poidamos escoitar a información de cada un dos petróglifos bordados.
Velaquí o resultado final:
Actividade de 1º, 2º e 3º
O alumnado de 1° , 2° e 3°, pola súa parte, coseu a imaxe do cabalo de Laxe das Rodas.
Os compañeiros de 5° e 6° ensináronlles a programar a placa Makey Makey con Scratch para que soase a onomatopeia correspondente ao son do animal.