Tras a boa experiencia do ano pasado, os rapaces e rapazas de 4º, 5º e 6º decidimos volver participar no concurso de relato oral Tíralle da Lingua, organizado pola Asociación Socio-Pedagóxica Galega. Aproveitamos entón as clases de Lingua Galega de finais do mes de outubro e principios do mes de novembro para traballar a narración oral e crearmos breves historias situadas na estación rupestre de Laxe das Rodas ou na Prehistoria.
Presentamos os nosos relatos orais ante os nosos compañeiros de clase, prestando especial atención á nosa dicción, entoación e dramatización. Posteriormente escollemos voluntarios para participaren no concurso mediante vídeos.
Deixámosvos o vídeo dunha das participantes no concurso como exemplo: