Na semana do 24 de outono preparámonos para festexar o Samaín. Este ano fixemos énfase en acudir ás orixes do que hoxe é coñecido en medio mundo como Halloween. Con esta idea, estivemos descubrindo e lendo os libros de historias de medo que tiñamos na nosa biblioteca e inspirámonos na simboloxía celta e castrexa para redeseñar as súas portadas.
Para festexar o Samaín o día 28, cada un de nós trouxo da casa unha cabaza decorada e iluminada para meter medo na escuridade! Tamén queixemos que os deseños deste ano fosen de corte tradicional. Que medo!
Para rematar un día cheo de sustos e sorpresas, as maiores do cole léronlle aos máis cativos o libro A pantasma das bragas rotas. Non sabiamos se rir ou berrar de medo!
E antes de marchar para casa, tivemos que deseñar e elaborar unhas bragas para a nosa pantasma! Cada un personalizou a súa como quixo. Quedáronnos moi ben!