EXCURSIÓN DE 5º E 6º Á CIDADE DA CULTURA
O venres o alumnado de 5º e 6º de Primaria viaxou ata a Cidade da Cultura, para visitar o Congreso de Innovación na Formación Profesional 2023. Os participantes eran moitos, pero detivéronse nalgúns dos que máis chamaron a súa atención para que lles contaran con maior detalle en que consistían os proxectos que expoñían. Así, observaron a presenza das tecnoloxías máis actuais en diversos terreos (mobilidade, seguridade, gastronomía, turismo, etc.), descubriron que é o hidróxeno verde e tamén degustaron algúns petiscos que a sección de hostelaría preparou para o evento. Unha mostra das posibilidades que ofrece para o futuro a Formación Profesional na actualidade.