Participación no Parlamento de Galicia

Un ano máis, a ONG Ayuda en Acción convidounos a participar na Campaña Mundial pola Educación, que se celebrou no Parlamento de Galicia (Santiago de Compostela) o 6 de xuño. Co asesoramento de Lorena e Jenni, traballadoras de Ayuda en Acción, en 5º e 6º de Primaria redactaron un discurso que leron de xeito maxistral Alicia e Luzdivina, en representación de todo o grupo e de todo o centro. O lema da campaña do 2023 era “A educación transformadora con perspectiva de xénero”, polo que ese foi un dos aspectos que destacaron todas as voces que falaron en público. Pero ademais disto, cada centro mencionaba tamén outros de enorme interés, e no noso caso, ademais da educación e a desigualdade, tamén expuxemos a nosa preocupación polo cambio climático e todas as súas consecuencias. 

Aquí podedes ver algunhas fotografías do acto, e tamén o vídeo no que escoitaredes a Alicia e Luzdivina, as que felicitamos polo ben que o fixeron e por todo o esforzo que requeriu. Por suposto, a todo o grupo que as apoiou, ao profesorado e á ONG Ayuda en Acción, que nos embarcou en experiencias tan marabillosas!!!