XOÁN CURIEL E CHARO PITA en A PICOTA
Esta mañá viaxamos ata a casa da cultura de A Picota para asistir a un espectáculo de Xoán Curiel e Charo Pita: "Teatro dos Vieiros". Nesta obra están moi presentes momentos e anécdotas de Ricardo Carvalho Calero, sobre todo a través da música e da teatralización. O espectáculo está baseado nunha iniciativa do citado escritor cando dirixía o Colexio Fingoi de Lugo (entre 1950 e 1965), que consistía en pedirlle aos nenos e nenas que recollesen os contos populares que escoitaban nas súas casas ou nas dos seus familiares máis achegados. Pretendía así que valorasen a súa cultura e acabaron sendo recollidos nun libro no que participou tamén Bernardino Graña.