XORNADA DE CONVIVENCIA EN CORRUBEDO
A xornada de convivencia deste curso desenvolveuse nun lugar moi especial: o Parque Natural Complexo Dunar de Corrubedo e Lagoas de Carregal e Vixán, situadas no concello de Ribeira.
A experiencia foi fantástica e moi completa, xa que puidemos coñercer o Parque guiadas por grandes expertas que nos foron contando información moi interesante sobre a fauna e a flora do lugar, entre outras cousas. Ao tratarse dun grupo moi grande, dividímonos noutros máis pequenos para que o persoal do Centro de Recepción de Visitantes do Parque, así como Jorge e Laura do CEIDA, nos foran guiando polas diferentes rutas programadas.
Tivemos tamén a oportunidade de achegarnos ata a gran duna móbil, onde Jorge fixo unha necesaria reflexión sobre a importancia de coñecer estes lugares para valoralos e coidalos, para que poidamos seguir desfrutando deles!
Ademais do Parque Natural, subimos ata o Miradoiro da Pedra da Ra, onde as vistas deixaban sen palabras a máis dunha!
E, para rematar, achegámonos ao parque periurbano de San Roque, onde xantamos e desfrutamos coa actuación do grupo Orquestra de Camarote, do que forma parte Damián, a quen coñecemos pola Asociación Ponte nas Ondas. Cantando, bailando, falando e rindo moito pasou o resto da tarde.
Desexamos que todas as persoas que nos acompañastes levarades tamén un bo recordo e que poidamos seguir celebrando xuntanzas así de fermosas.
Apertas!!!!