Homenaxe a D. Herminio e Dª Mercedes

Esta mañá reunímonos no centro para rendir homenaxe a unha das persoas que formou parte dos inicios deste cole: o señor Herminio. Agradecidos polo seu traballo como conserxe durante 30 anos desde que fora inaugurado o centro, o claustro decidiu renderlle unha homenaxe colocando unha placa co seu nome, e o da súa dona, na aula destinada á conserxaría. Aínda que o señor Herminio xa non está connosco, foron moitas as persoas da súa familia que quixeron acompañarnos:  a señora Mercedes (a súa dona), os seus fillos, e os seus netos, así coma outras persoas da comunidade educativa e, por suposto, todo o alumnado e o profesorado do centro, algúns dos cales tiveron a sorte de coñecer ao señor Herminio, cando no cole había moitos máis nenos e nenas! Foi un acto moi emotivo, e agardamos que todas as persoas convidadas leven un fermoso recordo desta xornada.